اضاءات على انفردات غادة

شاعر الهلال فيصل محمد احمد من بربر المكايلاب من اكثر المتابعين لزواية على انفراد بعث الينا بقصيدة تحمل عنوان عمود اليوم اعلاه لاتعقيب بعدها فهي قد لخصت الحال الهلالي بمفردات بليغة ممتلئة بابداع المعاني ومستخدما الاقتباس المعروف في اللغة العربية والمنتسب للمحسنات البديعية
اليكم القصيدة في المساحة التالية :

صباح الخير عليك ياطاهرة الانساب يافخر المشاهد وكافة الكتاب

صحيح سيد البلد (ياغادة ) ولى وغاب ؟ الاعداد هزيل كيف نحصد الالقاب
ياغادة الهلال اصبح وحيد متيتم مسرور اللمين وابواق صحافتو تشتم
اعلام الضلال يلوي الحقيقة يعتم جهالة وكبرياء وكشف الحقيقة السيستم
غارزيتو العجوز كان فارض علينا دلالو يغير في الخطط عاوز يحلل مالو
يااختي الهلال مابتنصلح احوالو في بداية الطريق اثيوبيا كشفت حالو
زاد تقديرنا ليك ياغادة ياانسانه سؤالك عن ملاح رغم الحصل سرانا
دي اخلاق الهلال مابنقول عليك جبانه لانك بت اصول وبكل جميل مذدانة
يااختي الجرئية اجتهدي في العضوية مدادك مايجف وتبقى الحقوق منسية
عشان يمشي اللمين وتزول هموم واسية ورينا الطريق اصواتنا مليونية
يااشجع قلم يسعد صباحك نور ساحات الهلال اضحت تضج وتمور
في عهد اللمين صار الجميع محسور انجازو الوحيد فوضى وشهادات زور
محسود الكيان ياغادة مافي كلام ودكتور اللمين زاد حدة الالام
ياحليل الهلال بدر الكمال التام يامانشوف كتير ولسه الغريق قدام
ياغادة الهلال فعلا اكيد محسود في العهد الجديد عاش الليالي السود
كنا اسياد بلد ابطال نزال واسود الحال انقلب فوضى وجهالة تسود
على مر العصور وتعاقب الازمان لاعبين الهلال اكتر من الاخوان
على نطاق الاسر او داخل الميدان وفي العهد اللئيم ظهر التنافر بان
مجتمع الهلال ياغادة كان متصافي ولو حصل اختلاف انسان بيعرف مافي
ياخالق الوجود رب العباد الشافي يزول هذا الظلام يبقى الهلال متعافي
انفردات متفرقة
حدثني من اثق في قوله ان برنس الهلال السابق قد اشاد برئيس تحرير المشاهد الزميل ايمن كبوش بقوله (انت ارجل راجل ) من خلال مواقف رئيس التحرير المشهوده في الوقت الذي يستعجب دكتور اللمين من رئاسة كبوش لهئية تحرير المشاهد باعتباره منتسب للاحتياطي المركزي الم اقل لكم فرق كبير بين البرير والبرنس
صاحب عمود الموج الازرق في كل اعمدته يسئي لنفسه والا كيف يفسر قوله المضحك ان سبب خلاف اعلام المعارضه مع البرير انه اوقف مااسماه الكاتب (اقبض واكتب )وهو اعلم الناس ان اعلام المعارضه برئ كل البراءة من الكتابة بعد القبض بحسب افادة سابقه للكاتب المتناقض التي قال فيها ان صحفي المشاهد لم يتسلموا مرتباتهم منذ 6 اشهر
اطهر قدم نفسه بصورة ممتازة نتمنى الاستعانه باحمد ميسي وسامر سيد في مباراة النمور خصوصا وان ميسي فيه الكثير من برنس الهلال السابق بشهادة العديد من الخبراء ياكوتش عافية