ܓ كنافة بلحم الدب الروسي .. حديد يلاقي حديد ..و الهلال الجديد ܓ ~ صـحـيـفـة مـحـبي الـهـلال السوداني

ܓ كنافة بلحم الدب الروسي .. حديد يلاقي حديد ..و الهلال الجديد ܓ

:

mo7iby alhilal | 9:40 م | اعمدة الرأي

بدر الدين عوض

عالمي ولا تكلمني
الهلال السوداني يفرض التعادل على فريق زينت الروسي
تعادل كبير البلد وسيدها وحامي حماها فريق الهلال السوداني مع فريق زينت الروسي بنتيجة 2 - 2
=====
* يا مريخاب والله انتو شرطو عينا ما ممكن كل مرة نحنا نلعب ليكم مع فريق غالبكم

ولاعبين معاهو قون وباك ومن خط طمنطاشر بتاعكم ما طلعتو ،

كورنر ساكت بي الغلط ما جبتوهو ..

علشان نغلبو ليكم و نمسح ليكم احزانكم

ونصحح اخطاءكم في حق الكورة السودانية القعد ترتكبوها كل ما تلعبو بره ..

*انا هسه رسلت رسالة سريعة لبعثة الهلال بقطر

وقلت ليهم شوفو اي طريقة علشان نلعب مع بايرن ميونخ ده

علشان ندقو ليكم زي ما دقا ولدنا الصغير المريخ ..

وجاني الرد انو بايرن ميونخ بعد شاف الهلال وكيف بلعب الكورة الحديثة العالمية

رفض ان يلعب معه وقال ديل بغلوبنا ويمرمطو بي سمعتنا الارض

قلت ليهم خلاص قولو ليهم لو لي الحول ما بنخليكم

ولازم نتسد تار ولدنا الصغير الدقيتوهو دق العيش ده.
*ناس بايرن ميونخ ديل طبعاً فريق عالمي وما داير يتغلب عيني عينك وقدام الناس ..

علشان كده بلعب مع الفرق الضعيفة وعارف انو بغلبهم والشمس حية ..

لكن زي ناس ابو الهل ديل بزوغ منهم .
*الروس طبعاً انتو عارفنهم ناس صعبين وما بستغربو من اي حاجة ..

الناس ديل عندهم الاسطورة رائد الفضاء الروسي يوري قاقرين

ده اول رائد فضاء دار حول الارض بي مركبتو الفضائية سنة 1961..

اها شوفو الناس ديل لفو الارض دي من سنة كم!!!

علشان كده قلت ليكم ناس ما بستغربو كلو كلو ..

وقالوا انهم زاتو عارفين انو في لاعب كبير في السودان كان بلعب في الهلال اسمو علي قاقرين ..

كبير دائماً يا سيد البلد ..

علشان كده قلت ليكم الناس ديل ما بستغربو ..

ناس لفو الارض سنة 61 البخليهم يستغربو من حاجة شنو ..
*ياخي كدي خلونا من قاقرين لانو ده كلام كبير على ناس التمهيدي ديل
الروس ديل عندهم ميخائيل كلاشنكوف ..

ده الزول الصمم السلاح المعروف والشهير باسمه الكلاشنكوف في الحرب العالمية التانية سنة 1941 ..

صمم سلاح خطير اشبه بالمعجزة في ذلك الوقت ..

علشان كده قلت ليكم الناس ديل ما بستغربو من اي حاجة ..

اي حاجة تخطر في بالك بتلقاهم عملوها او عارفنها..
*ورغم ده كلو الناس ديل بعد كورتهم مع الهلال استغربو..واحد من لاعبنهم قالها عديل كده بالروسي .. قال انا مستغرب.
*انتو متخيلين دي !!!! روسي يستغرب !!!!
*دي كيف دي ؟ !!!!! انا زاتي مستغرب انو روسي يستغرب.
*لمن سألناهم مستغربين في شنو ؟!!
*قالو لينا .. الفريق اللعبنا معاهو قبل كم يوم ده فريق سوداني؟ !!!

قلنا ليهم ايوه فريق سوداني ..

*قالوا لينا والفريق اللعب معانا الليلة ده واتعادل معانا ده برضو فريق سوداني ؟!!!

قلنا ليهم ايوه برضو فريق سوداني .
*الروس قربو يسلمو من الخلعة.
*قاموا قالو لينا ..والفريقين ديل بلعبو الاتنين في دوري واحد ؟!!!

قلنا ليهم ايوه بلعبو في دوري ووووووووواحد ..

*قالو لينا ما ده زاتو المخلينا مستغربين

عندكم ناس زي كاريكا وبشه ده وبكري المدينة قعدين يلعبو مع ناس قريعتي راحت وبتاعين الدافوري ديل

ناس موسى الزومة وبله جابر وهيثم مصطفى وما عارف منو ؟!!!!
*انا قلت ليهم معليش يا روس نحنا عندنا مثل في السودان بيقول ليك البطن بطرانة ..
*غايتو خليت المترجم بتاع البعثة لحدي هسه بحاول يشرح ليهم معنى البطن بطرانه دي بالروسي.

يمكن لو فهموها استغرابهم ده يروح.
=====طبعاً نحنا ما زي ناس التمهيدي ديل بنفرح بي كورة ودية
دي بالنسبة لينا مجرد مباراة ودية

وتفكيك لعضلات اولادنا ديل علشان يدخلو جو المباريات شوية شوية ..

=====

قالو ليك لعيبت المريخ بعد شافو الهلال وطريقة اللعب الحديثة والعالمية بتاعتو

قالو البرجعنا السودان شنو ؟

اخير لينا نعمل طلب لجوء سياسي في اي دولة ان شاء الله دولة (لاتفيا )

ونقول نحنا في بلدنا الهلال متضهدنا

و
عالمي ولا تكلمني

صحيفة محبي الهلال السوداني

روابط هذه التدوينة قابلة للنسخ واللصق
URL
HTML
BBCode