l||l شــــــــرح كــيــفــيــه تـــحــويــــل الـــطـــبـــق للــقــمــر عــــربـــســــات l||l

شــــــــرح كــيــفــيــه تـــحــويــــل الـــطـــبـــق  للــقــمــر عــــربـــســــات 

اعداد : ايمن ابراهيم (aymannew)

السودان

 _______________________

بسم الله نبدأ،،

اول خطوة هي اضافة التردد على القمر عربسات او بدر ،،

 اختار القمر arabsat 2 Bd

واضيف ليه التردد التالي :27500-10810 -H-

 والقمر التاني  badr 4.5

واضيف ليه الترددات التالية: 27500-11938 -V-

نحن حانشتغل على القمر بدر ،  لانو تردداتو اشارتها اقوى من العربسات ،

بعد اختياركم للقمر بدر والتردد،،

نمشي للخطوة التانية وهي تحريك الطبق ،،

اول حاجة  تقبل الطبق على جهة الجنوب ، اللي هو على يدك اليمين وانت مقبل على 

القبله 

بعد كدا تلف الـ LNB  وتخلي السلك بتاع الطبق نازل بتحت زي مافي الصورة 

(خطوة مهمة)

بعد كدا ترفع الطبق لاعلى شي (لحدي النهاية المحددة ) زي ماواضح بالصورة

بعد كدا تلف الطبق يمينك (باعتبار انت واقف خلف الطبق ) لحدي ماتظهر اشارة 

ولو  1%

تقوم بعدها تقرب الـ  L N B  للامام او للخلف (مع مراعاه انو لازم السلك يكون نازل للاسفل كما موضح سابقا بالصورة )

كدا نكون خلصنا الشرح ،

واي استفسار  يمكن المتابعة من خلال التعليقات ، بالاسفل ،
او من خلال البوست التالي بقرووب محبي الهلال السوداني ،،
اضغط هنا للانتقال لقروب محبي الهلال بالفيس بوك

 

دمتم ،،